Bruno Mars-Grenade /орчуулга/ Би чиний төлөө ирлэсэн хутган дээр гараа зоохоос буцахгүй Хүсэхээрээ ирээд Хүсэл нь дуусахаараа явчихдаг Ингэж амьдрах чиний зуршил гэмээр Аваад л, аваад л байдаг хэрнээ Хэзээ ч өгч байгаагүй Анхны үнсэлтэн дээр чиний Аниагүй нүдийг хараад Амраг минь болохгүй гэдгийг Анзаарч ойлгох минь яав даа Дахилт: Би чамд байгаа бүхнээ өгсөн ч Чи бүгдийг нь юу ч болоогүй юм шиг Хогийн сав руу чулуудчихсан Харин би чамаас зөвхөн сэтгэлээ өгөхийг л гуйсан Чиний төлөө би тэсрэх бөмбөг атгасан ч Чадна гэдгийг чи ойлгоогүй Би чиний төлөө Ирлэсэн хутган дээр гараа зоохоос буцахгүй Хурдалсан галт тэрэгний өмнүүр үсрэхээс айхгүй Чиний төлөө би юуг ч хийж чадна Чиглэсэн сумыг тархиараа тосохоос эмээхгүй Тийм ээ, би чиний төлөө үхсэн ч чадна хонгор минь Харин чи миний төлөө тэгж чадахгүй Бүрхэг амьдрал мэдээг минь алдтал довтолно Чи ирсэн газар луугаа буцаж очоод Чөтгөрт миний мэндийг дамжуулаарай Чи бол нүүрэн дээр инээчихээд Ар нуруунд минь хутга зоож явдаг Солиотой, галзуу хүүхэн Дахилт: Би чамд байгаа бүхнээ өгсөн ч Чи бүгдийг нь юу ч болоогүй юм шиг Хогийн сав руу чулуудчихсан Харин би чамаас зөвхөн сэтгэлээ өгөхийг л гуйсан Чиний төлөө би тэсрэх бөмбөг атгасан ч Чадна гэдгийг чи ойлгоогүй Би чиний төлөө Ирлэсэн хутган дээр гараа зоохоос буцахгүй Хурдалсан галт тэрэгний өмнүүр үсрэхээс айхгүй Чиний төлөө би юуг ч хийж чадна Чиглэсэн сумыг тархиараа тосохоос эмээхгүй Тийм ээ, би чиний төлөө үхсэн ч чадна хонгор минь Харин чи миний төлөө тэгж чадахгүй Миний биеийг шатаж байсан ч Чи инээгээд л хараад зогсох эмэгтэй Надад хайртай гэдэг байсан чинь худлаа Чи хэзээ ч, бүр хэзээ ч намайг хайрлаж байгаагүй Гэсэн ч би чиний төлөө тэсрэх бөмбөг атгаж чадах хэвээрээ Би чиний төлөө Ирлэсэн хутган дээр гараа зоохоос буцахгүй Хурдалсан галт тэрэгний өмнүүр үсрэхээс айхгүй Чиний төлөө би юуг ч хийж чадна Чиглэсэн сумыг тархиараа тосохоос эмээхгүй Тийм ээ, би чиний төлөө үхсэн ч чадна хонгор минь Харин чи миний төлөө тэгж чадахгүй Easy come, easy go, that's just how you live Oh, take, take, take it all but you never give Should've known you was trouble from the first kiss Had your eyes wide open, why were they open? Gave you all I had and you tossed it in the trash You tossed it in the trash, you did To give me all your love is all I ever asked 'Cause what you don't understand is I'd catch a grenade for ya Throw my hand on a blade for ya I'd jump in front of a train for ya You know I'd do anything for ya I would go through all this pain Take a bullet straight through my brain Yes, I would die for you, baby But you won't do the same No, no, no, no Black, black, black and blue, beat me 'til I'm numb Tell the devil I said, hey, when you get back to where you're from Mad women, bad women, that's just what you are, yeah You'll smile in my face then rip the brakes out my car Gave you all I had and you tossed it in the trash You tossed it in the trash, yes, you did To give me all your love is all I ever asked 'Cause what you don't understand is I'd catch a grenade for ya Throw my hand on a blade for ya I'd jump in front of a train for ya You know I'd do anything for ya I would go through all this pain Take a bullet straight through my brain Yes, I would die for ya, baby But you won't do the same If my body was on fire Ooh, you'd watch me burn down in flames You said you loved me, you're a liar 'Cause you never, ever, ever did, baby But darling, I'd still catch a grenade for ya Throw my hand on a blade for ya I'd jump in front of a train for ya You know I'd do anything for ya I would go through all this pain Take a bullet straight through my brain Yes, I would die for you, baby But you won't do the same No, you won't do the same You wouldn't do the same Ooh, you never do the same No, no, no, no

Миний эмээ

Сүү нэвчсэн дээлний тань энгэрт

Сураг хол ч тоглож өссөн үрсээ

Сүмийх алсын бараанаас саравчлан ширтээсээр

Сэвхийтэл ороод ирхийм шиг хичнээн хүлээгээ бол

Уймгар гэрийнхээ чөлөөнд

Урт хожидын бодолдоо ээнэгшин

Галын нөмөрт хорогдон борхироод

Борхон, шаргал цайгаа дээжлээд төчнөөн суугаа бол

Сэтгэлийн дулаанаараа өөрийгөө бүлээцүүлэж

Сэнгэнэтэл санаа алдаад дуугаа аялахдаа

Тэртээх он жилүүдэд жавхаалаг нэгэн байсанаа

Бүүр түүрхэн мэт бодолдоо өнжүүлэн аядуухан дуулаа бол

Үрийн үрсээ хэмээн өмөөрөхдөө

Үйл, аалийг хослуулан ухаан шаглаж

Өмгөр хошуугаа дэвсэн аргадахдаа

Өөрөөсөө илүүтэй биднийгээ хэмээн ямархан сэмрээ бол

Эрдэнэ бүхнийг хураасан юм шиг баясан

Эгээл нэг сангийн эзэн мэт хормойгоо дэвсэн суугаад

Бор авдраа тос даатал эргүүлдсээр

Бөгтөгнөн бөхийж алаг чихэрээ бидэндээ хишиг мэт буман түгээгээ бол

Мойног суусан ч ариун сэтгэлийн хүчээрээ

Маани тоолон, эрх эргүүлэж

Айл болохдоо хоймортоо залсан

Арслантай хос авдарныхаа дээрхи хүрдийг эргүүлэж өчнөөн залбираа бол

Нимгэн будан хөшилдсөн аниргүй талд

Навчисаа гөвөн бөхөлзөн

Өвгөн модод л эмээд минь зориулаж

Өвч халуун сэтгэлээрээ ханьссан байхдаа

Намар наашлах агшин бүрийн хүрдийг

Найган савчих аялгуу шиг хичнээн дууллаа гээд

Насны толгод хаяанд нь өлмийдсөн

Нэг л заяах хүний орчлон эгээрэхгүй л байхдаа

Сэмжин үүлсийн зайнаас ч

Сэтгэлдээ ширгэ хийн домнодог , миний эмээ

Зүүд зөнгийн диваажинд минь эвийлэн энхрийлэж

Зөөлөн зөөлөн бүүвэйлэн хурайладаг, миний эмээ

Буман жилийн хойчдоо

Буянаа түгээсэн

Буурал эмээг минь

Бурхад, дээдэс минь өршөө

2011-08-16

Нүдний аяганд нулимс торж, сул асгараад

Эмзэгхэн сэтгэлт зүрх хагсаад

Нэг л заяах хүний орчлонд хүйн холбоот

Эмээгээ, ээжээ санан санан бичлээ би

*****************Охиндоо**************

Өөдөсхөн үрээ гэртээ орхисон ч
Өр зүрх минь хамт байгаа шүү битгий айгаарай
Хонгорхон үрээ ганцаарангий нь орхисон ч
Хамт байгаа шүү сэтгэл санаа минь

Сүүмгэрт бодолд охин минь эгдүүцвэл бүү эмээгээрэй
Сэвтээн үгүй сэтгэлийг нь ээж нь хурайлаад домночихноо
Жавартай өглөө, жиндүү салхитайд ч
Жижигхэн гараас нь ээж нь атгаад дуулаацууланаа

Гэнэн хонгор нас нь
Гэгээн тунгалаг оюунаар солигдоод, учигийг ялгахын цагт
Цэнгийн тогоруу шиг нүүдэллээд явахтай адил хэмээн сэтгээд
Цэцэг шиг үрээ цацах цагт л уужрах байх даа ээжийнх нь сэтгэл

Сэмхэн чамайгаа харахаар
Сэтгэл минь өөрийгөө тольдох шиг гайхалтай
Саруул гэгээн бүхнийг
Сэхүүн салхиар дамжуулан охиндоо би хүсье

********* Хүмүүний эргэх хүрдэн **********

Өглөө бүр би
Нарыг бас тэнгэрийг ажиглах бүрийд
Өмөлзөх бүрт минь
Намайг гэх эжий шиг минь хайраар шагнадаг юм.

Гэгэлзэх сэтгэлтэйгээ би
Нааш цааш хэмээгээд дэнслэх бүрийд
Гэгээн тунгалаг мэлмийгээ нээгээч гэж
Надад хэн нэгэн шивнэн ухаан надад хайрладаг юм.

Алхам хором бүхэнтэй би
Хамт байхийм шиг сэтгэх бүрийд
Алтан дэлхийн хүрдэнтэй үүрд эргэх юм шиг
Хөнгөн сэтгэжээ хэмээн цаг хугацаа шивнэдэг юм.

Үдэш бүр би
Тэнгэрт түгэсэн одод саран авхайтай
Үүр цайтал надтай ханьсахад
Тэнэгэр уужим сэтгэлтэй аав шиг минь нөмөрлөдөг юм.

Цаг хугацааны эргэлтэнд учиг сүвлэсэн
Нэгэн тохиох амин заяа
Цуцал боловч хүслээрээ жигүүрлэх
Нартад ерөөлтэй хүмүүн заяа

Би

Би ,эргэх ертөнцөнд хувь атган төрсөн эгэл хүмүүн

Байгаль дэлхийн наран ээж цацрагаараа илбэн

Зүрх сэтгэлийн минь тольтонд надад зориулан мишээдэг

Болор мөнгөн саран авхай, одон дүүстэйгээ ханьсан

Зүүд нойрныг минь хугаслан гоо үзэсгэлэнгээ надад гайхуулдаг

Би, эгээл нэг амьдралын нууц бүрт нэвтрэх хүсэлтэн

Салхитай наадан ганхах өвгөн модны сэрчигнээн

Болжморын жиргэх дуутай хослон уянгалж намайг уяраадаг

Сувдран асгарах бороон дуслууд

Бодлын чанд дахь нууцхан ертөнцөд минь айлчлан хөнгөн гунигийг сэрээдэг

Би,эргэлдэн нисэх шувуутай адил даль жигүүртэн

Сэвэлзэх салхин хөнгөн жигүүрээ дэлгэн

Борхон зүрхний далдын гүнд хүсэл юутай минь хөөрөлддөг

Сэрүүн алтайн өвөрт мяралзах нуурын шувуудын чуулган

Балчирхан насны мартагдсан мөрөөдөл юутай минь дуулалддаг

Би, эрчлэн хуйлрах он жилүүдийн урсгалд түүх болон үлдэгч

Дүнхийн хөхрөх ноён оргилын тэргүүнд мэхийн бүрт

Эгэл бие минь үнэний мөртэй эртний түүхтээр бахархдаг

Дээдэс өвгөдийн минь гал голомтонд сахин суусан болохоор

Эс ширхэг бүр минь Монгол гэдгээрээ омошидог

Би, эгшиглэн исгэрэх хээрийн хөх салхины аялгуу

Хөврөх хугацааны орчил бүрийн зааг намайг урин дууддаг болохоор

Хэсэгхэн тухлаад би энд амьдралд саатан эгшиглэдэг.

Хоёрхон чавхдаст хуурын аялгууг сонсож өссөн болохоор

Хөвчрөх нумны чивчрэх сум адил салхи сөргүүлэн исгэрдэг ээ

Би, эрдэнэ гүйсэн нутгийн оргих нэгэн булаг

Сэтэрт талдаа дуугаа хадаан мэндлэсэн хөх толботын үр болохоор

Сэхүүн хонгор салхинд уртын шуранхайгаа цуурай нэмэн хөглөдөг

Баривчиндаа хүртэл сүсэг хэлэн домносон ардын ухаант удам болохоор

Билэг оюунт ардынхаа өв соёл,уургач хол ухаанаар ундаалдаг

Эр хүн

Эр хүн та
Гэгээн тунгалаг өглөөн наран
Гэрэлт хүмүүний ертөнцийг тольдох мэт баясалтай
Мишээх царай хүмүүний төрхөнд тодрох бүрийд
Мөнхийн тэнгэр өнө амгалан орших мэт бишрэлтэй

Эр хүн та
Үл мэдэг сэтгэлийн мишээл тань бусдад хүндлэл түгээж
Ирчилсэн нум мэт хүч атгуулан, ухаан талбиулах мэт ончтой
Ихэмсэг бардамхан зангаа эелдэгээр бусдад гайхуулаж
Илд бамбай мэт бусдыг халдашгүй сэтгэлээр уяраах мэт хайлтантай

Эр хүн та
Мэлтрэн гэрэлтэх саран авхай үдшээр тольдох ахуйд
Мөнхийн гоо үзэсгэлэнгээ таниас нуусан мэт уяралтай
Бэдэртсэн сэтгэлийн уймраагаа мартагнахан цэлмэх оюунаараа
Бээрийн дайтай холоос ч санааширан суух хүлээлт мэт хүндлэлтэй

Эр хүн та
Бусдад хайраа түгээсэний тань төлөө
Бүсгүйн итгэлийг уяраах мэт урамтай
Болзолт учиралыг хүсэн сэтгэлдээ мөрөөдсөнийг
Бидэнд хүртээх дээд тэнгэрийн хишиг учирсан мэт ерөөлтэй

Эр хүн та
Хатуу бүхнийг зөөлөн мэлмийгээрээ тольдонхон
Хашир анжгайч уяраах шидтэй мэт уясалтай
Хосгүй үзэсгэлэнт эх орныхоо зүг бүрийд
Хүрэх сэтгэлийн тань үзүүр уудам их тал шигээ хязгаар үгүй

Эр хүн та
Өндөр хөхийн ноён оргилд
Элэн халин нисэх бүргэдийн хүч мэт эрчтэй
Өвгөд дээдсийн галыг бадраах
Эгэлгүй ерөөлийг атган төрсөн учиралтай

Эр хүн та
Эртний Их Хүннү Гүрэний улбаа юугаар замнасан дээдэс язгуурт эцгийн ураг болохоор
Сүр ихт, ухаан холч, хийморь бадрангуй мэт жавхлантай
Элбэрэлт эхийн хатуу нь гаднаа, зөөлөн нь дотроо ухаанаар хүмүүжсэн үр болохоор
Суурь бодолт, мэргэн санаат, ачлал төгс мэт хишигтэй

Эр хүн та
Уртын сайхан дуугаараа сэтгэл юугаа аргаданхан тайтгардаг болохоор
Урьдын домогт илбийн шуранхай мэт хөг дантай
Харь орны хань хамсаатангуудыг хөлдөө сөхрүүлсэн баатарлаг түүхт хүмүүний удам болохоор
Халдашгүй эх орныхоо ширхэг чулууг хүртэл харамлах мэт сэтгэлтэй

Эр хүн та
Харзны хүйтэн уснаас залгилаж өссөн хөрслөг хүү нь болохоор
Хөвөө хязгааргүй их нутгийнхаа гол, нуурын ангир шувуу мэт жаргалтай
Цавчим өндөр алтай , хангайнхаа хээр талд дуураар өссөн хүү нь болохоор
Цэцэгт тал, сэрчигнэх их модынхоо чимээ юугаар хөглөх мэт хослонтой

Эр хүн та
Ээрэм их талын хөндийд, хараа талбин сунгах ухаант хүмүүн болохоор
Элсэн манхан , тэмээн сүрэгийнхээ сүр барааг гайхуулах мэт бадралтай
Байгалийн агуу бүтээл араатан жигүүртэний чуулганыг харах ерөөлтэй хүмүүн болохоор
Баянбүрд цогцолосон бишрэм их талдаа хүндэлэл юугаа өргөх мэт сэтгэлтэй

Эр хүн та
Мандах төрийн малгай хэмээн тэргүүн юундаа залаад
Сүр бадрангуй, ихэмсэг мэхийх нь үнэн хүчийг үзүүлэх мэт бахдалтай
Бүтэх төрийн бүс хэмээн дээдлэн дээш нь
Нар зөв ороон бүслэдэг хийморь мэт мэлхийлтэй

Эр хүн та
Баривчиндаа хүртэл эр балчирийнхаа хийморь сүлдийг даатгаад урладаг болохоор
Хөдөө талын цайдам хөндийд ч дээл юугаа нөмрөх нь биеийн элчтэй
Гишгэх газар юугаа савардахвий гэсэндээ
Өшиглөх монгол гуталаа ээтэн болгосон ундраа мэт оюунтай


Эр хүн та
Үнэнч хайраар ханиа дээдлэн
Хослон жаргахын ухааныг бусдад хүртээх мэт гайхамшигтай
Үрийн зулайд домносон эсгий үнэгийг
Хэрхэнийг мэдэх мэт шившлэг тань шидтэй

Эр хүн та
Цээжиндээ багтан ядах их омогшил тань
Хан хөхний оргилийн өндөрт цуурайтах мэт эрчтэй
Цэцэн ухааны тань ундраа
Холч онилсон сумны эрч мэт хүчтэй

Эр хүн та
Хуурын хоёр чавхдасанд аяз юугаа шингээсэн
Хөлгүй их далай мэт сэтгэлийн тань сонордох мэт аниртай
Хилэн хар хүлэгийн тань нуруунд
Хээрийн хонгор салхи ч үл тогтох мэт хийморьтой ажгуу

Миний гэх бүхний үнэ цэнийн төлөөс

Мөнх бус орчлонд залуу насны ганцхан учирал гэж
Өөрт чинь дурлаж, өөрийгөө ч мартсан тэр өдөр, хоногуудад
Миний гэх тэр л хайраа зориулаж, тэмүүлсэнийг
Өгөөгүй бусдын хайрыг бус, зөвхөн миний хайрын үнэ цэнийг чи хэмжээгүй гэж үү

Чиний өмнө сөхөрсөн миний итгэл
Чанх өндөр оргилд мацаад ч хүрэшгүй мэт өндөр юмсан
Чимчрэх уруулаа хазлан байж тэссэн өдрүүдэд чи ирээгүй
Чимээгүй асгарах нулимсны минь үнэ цэнийг чи мэдрээгүй гэж үү

Үнэгүй мэт хаягдсан миний сэтгэл
Үнэний мөртэй хорвоод итгэдэг хүнтэй л юмсан
Үнэгчлэх бяцхан үр минь уйтгарт бодлоос чиний дүрийг холдуулдаг болохоор
Үнэрлэхийн төдийд сэргэдэг сэтгэлийн минь үнэ цэнийг чи таниагүй гэж үү

Эрүүлэгт орлонгийн нэгэн жимтэй амьдралын залуу насдаа
Эргэж цуцашгүй тэмүүлсэн сэтгэлдээ би нартай л юмсан
Ээжээ хэмээн охин минь чамаас өнчирсөн сэтгэлийг амилуулдаг болохоор
Эгнэгт хажууд чи оршихдоо хүлээлтийн минь үнэ цэнийг дэнслээгүй гэж үү

Дуртай үедээ эргэн ирж, чи явчихаад
Дурласан миний итгэл, сэтгэл, үртэй минь чи хөсөр хаясан
Амласан, хэлсэн, зорьсон бүхнээ чи умартаад
Амьдралын сорилтонд чи бүдэрсэн, бас ялагдсан.

Чийгтэй үдшээр, сартай шөнийн болзоонд би зогсохдоо
Чиний сэтгэл эргэсэн байхыг би яахан мэдхэв, бас сүүлчийнх байж
Ахин, дахин чамтай норох юм шиг хөөрцөглөсөн миний хөөрхий итгэлийг
Алдаа байжээ хэмээн бодох чиний бодлыг би таньсангүй, бас гадарласангүй

Мөчийн төдийд өнгөд хууртаж, миний гэх бүхнийг мартсаныг чинь
Магад миний "хүлээлт" чамд хайртай болохоор уучлах байх
Хүлээсэн цаг хугацаа, сэтгэл, итгэл, нулимсны минь үнэ цэнийг төлж дийлбэл
Хайр бүхнийг уучилдаг ч хатуурхаж ч магадгүй, чи зөөлөрүүлэж чадахгүй болуу

Миний гэх бүхний үнэ цэнэтэй цуг
Чиний төлөөх гэсэн бүхнийг минь чи хөсөр хаясан болохоор
Мянган жил чи миний боол байсан ч
Чадахгүй л болуу, миний үнэ цэнийг төлж

2011-06-04

миний бодлоос ургасан үгс

1,

Зуу алхамын амьдралд

Зөрөг зам олон ч

Зөв буруугийн дэнсийг

Зөвхөн та л сонгоно

2,

Та тарьсан үрээсээ

Таашаал сайханыг мэдэрхийг хүсвэл

Төд удалгүй усалж, торд

Тэр цагт дэлбээлэн ,гайхамшигаа хүртээнэ

3,

Ус хэдий булингартай ч

Ялган түүнийгээ тунгаадаг

Уян сэтгэл тань булингартай бол

Яг л үүн шиг тунгаагтун

4,

Хормын аз жаргалыг та хүртээд

Ханашгүй түүнд дурлавал, та төөрч

Зуурдын аз жаргалыг та мэдрээд

Захирагдаж та уусвал, та буруудаж

5,

Ухаант хүний хэлсэн үг

Тэрсүү бодолд тань үл танигдавч

Учирах заяа тавиланг чинь

Тэд өмнөөс тань харсан байхуйг та үл анзаармой

6,

Гайхамшиг бүрийн цаана

Цуцашгүй хүсэл мөрөөдөл л байдаг

7,

Сувдан нулимсны үнэнд зөвхөн

Сэтгэлийн чанд дахь үгс л багтдаг

8,

Буруу зөрүүг тань хараад

Боль , бай хэмээн хэдэрлэн уурсдаг нь

Таньд л сайныг хүссэндээ өгүүлдэгийг

Тархи ухаандаа тунгаагтун

9,

Болох, болохгүй ял дэнсийг

Ялгаж таньд өгүүлэхгүй байгаа нэгэн

Буулгаж таныг сүйтгэж байгааг

Ямх төдий ч ухаарахгүй бол таны нөхөрлөл хор байна.

10,

Сайн, зөвийг ухааруулах нэгнийг хэлсэн үгийг

Саатаж наад ухаандаа дэнслээд

Сүүмгэрт бодолдоо тусах өчүүхэн гэгээг

Саруул сайханы үүрдийн наран болгох эсэхийг та шийднэ.

11,

Наран авхайг үүлэн хөшиг халхалсан байхад

Сэвшээ салхи урхинаар үлээн холдуулдаг шиг

Нандин итгэлийн минь гүүрэн дээр тээгэлдсэн хад чулууг

Сэтгэлийн үнэн чи хүч гарган хамгаалаач

12,

Анхааруулж хэлсэн үгсийг ухаарч

Алхам бүртээ өөрчлөгдөхыг хичээх ахуйд

Амжилт таныг тосч байгааг

Аяа та яахан мэдэх билээ.

13,

Итгэлийн минь гүүр чи хүчтэй юу

Хэлсэн,харсанд нурчих юм биш биз дээ

Ирмүүн сэтгэлээр дийлж чадна биз дээ

Хэн нэгний хуурамч занд гэнэдчихвий дээ

14,

Сайхан амлалт, хөөрүү үгэнд хууртахгүй биз дээ

Салаа олон замуудын уулзвараас

Сор, зөвийг чи сонгосон уу

Сэтгэлээ чагна, түүндээ итгэ

15,

Нүгэл чи юунд

Үнэнийг сүүдэр мэт даганав

Нимгэн бодолт хүн л чамайг сонгодийн бус уу

Үлэмж бодлын цаанаас ч худал хуурмаг амтагддийн байна

“Хоосрол”

Зүрх сэтгэлд минь чи оршичихоод
Зангаа бууруулж, хажуугаар өнгөрөхдөө
Зөрөг олон замын
Зөв бурууг ялгалгүй туучихлаа гэж үү

Ямба, хээнцэр өнгөтэй
Сэхүүн зантай нэгэн бүсгүйд
Яагаад чи сэтгэл алдрав
Саатан учирах тэр хором чинь насных байж чадах гэж үү

Өөр бусдад би одоо итгэхгүй ээ
Өнгөрсөн амьдрал минь түүнийг гэрчилнэ
Өөдий хүртэл наслахдаа би
Өнгөт орчлонд үнэн зүйлгүй гэдгийг дэндүү хойно ухаарлаа

Дэрвэж явсан гэнэн залуу насаа
Дэнгийн нэг эрвээхэй шиг богинохон гэж хэн мэдхэв
Доргиж омголон явахдаа
Дэндүү амгалан байж амьдралыг би яахан таахав

Залуу ариун насандаа
Зүсэн зүйлийн учир байдлыг тунгаасаар
Заяа тавилан гэж сэтгэлдээ шивнээд
Зүгээр л гэж өөртөө би хууртагдаж

Толгой гудайн сэтгэлдээ өмрөх хэрэггүй
Тэртээ алсын чандаас чамд
Тэргүүнээ өргө, ихэмсэг, хээнцэр алхаж
Түрүүчийнхээс илүү байгааг сануулах мэтээ
2011-04-25

АМИТАБА

Сэдэв : АМИТАБА /Д.Нямсүрэн/

Эх сурвалж : Ном хэвлэлээс

Яаж би Амитаба шиг, хөлөө цэцгэн өлзий завилах вэ?
Яаж би Амитаба шиг, чамайгаа бурханы тигд бүтээх вэ?
Яаж би Амитаба шиг, хүйсний нууцыг хуруугаараа томьёолох вэ?
Яаж би Амитаба шиг, хүүхний бэлхүүсийг алтан харганаар үйслэх вэ?
Яаж би Амитаба шиг, газрын гүн дэх үндэсний үзүүр рүү залбирах вэ?
Яаж би Амитаба шиг, есөн эрдэнийн чулуугаар чамайгаа чимэх вэ?

Яаж би Амитаба шиг, уснаас гарсан бүсгүй эрэг дээр суугаагаар бодох вэ?
Яаж би Амитаба шиг, шувуу исгэрэх, нохой хуцах мөн чанар нэгийг ойлгох вэ?
Яаж би Амитаба шиг, модны навчис унахыг зүүдээ гэж бодох вэ?
Яаж би Амитаба шиг, морь зогсоогоороо унтахыг далайн татралт гэх вэ?
Яаж би Амитаба шиг, эхийн умайд хөврөл явагдахыг далайн түлхэлт гэх вэ?
Яаж би Амитаба шиг, энэ биеэрээ нэгэн сайхан аялгуу болох вэ?

Яаж би Амитаба шиг, үүдний цоорхойгоор тусах наран лугаа цацрах вэ?
Яаж би Амитаба шиг, үүлний сиймхийгээр шагайх саран мэт бултайх вэ?
Яаж би Амитаба шиг, нисээд явчихсан шувуу адил анир алдрах вэ?
Яаж би Амитаба шиг, өөрийнхөө үсний ойчих чимээг сонсох вэ?
Яаж би Амитаба шиг, үүлс бүрхэж, мөс хучсан ч сая сая жилд үлдэх вэ?
Яаж би Амитаба шиг, үхэл гэгч амьдаас агуулгатайг мэдэх вэ?

Яаж би Амитаба шиг, дэнгийн гал руу эрвээхэй үйхэд жишимгүй суух вэ?
Яаж би Амитаба шиг, дэргэдийн ээжгүй болоход уйлахгүй байх вэ?
Яаж би Амитаба шиг, нэг дуу нэг зөгийг хөнөөдгийг мэдэх,
Яаж би Амитаба шиг, нэг шүлэг нэг цэцгийг үрдгийг ойлгох,
Яаж би Амитаба шиг, оргүй хоосон – алсад буй ертөнц гэдгийг таних,
Яаж би Амитаба шиг, орон цаг, амьдрал хоёр үгүйг мэдэх...